به گزارش خبرنگار خبرگزاری فارس در دوشنبه، سرپرست وزارت دفاع طالبان می‌گوید، در حملاتی که بر مساجد، خانقاه‌ها، مدارس دینی و عالمان دین در افغانستان صورت گرفته است، شهورندان خارجی به‌ویژه اتباع تاجیکستان مشارکت دارند.
«محمد یعقوب مجاهد» سرپرست وزارت دفاع طالبان ضمن ابراز نظر در این مورد افزود که در مدت ۱۲ ماه گذشته ده‌ها شهروند تاجیکستان به اتهام‌های مختلف از سوی طالبان کشته و صدها تن دیگرشان بازداشت شده‌اند.
با این حال، وی تعداد دقیق کشته شدگان و دستگیر شدگان و همچنین هویت آنها را اعلام نکرد.
مجاهد همچنین با بیان این که شهروندان پاکستان نیز در سازماندهی بسیاری از حملات تروریستی در افغانستان دست داشتند، افزود: بیش از 20 پاکستانی در عملیات نیروهای ما کشته و صدها نفر دیگر بازداشت شدند.
در این رابطه، سرپرست وزارت دفاع طالبان از کشورهای منطقه خواست تا مرزهای زمینی و هوایی خود را به شدت کنترل کنند.
تاکنون مقامات تاجیکستان به این اظهارات سرپرست وزارت دفاع طالبان واکنشی نشان نداده‌اند. اما در گذشته همواره از حضور گروههای تروریستی در افغانستان و تلاش شبه نظامیان این گروه‌ها برای عبور از مرز ابراز نگرانی کرده‌اند.
به ویژه در آوریل 2023، کمیته دولتی امنیت ملی تاجیکستان از تلاش برای عبور از مرز توسط گروههای جنگجو از افغانستان خبر داده بود.
در ماه سپتامبر همان سال، نهاد امنیتی تاجیکستان اعلام کرد که 3 عضو گروه تروریستی «انصارالله» را که قصد انجام حملات تروریستی در آستانه روز استقلال در این کشور را داشتند، خنثی کرده است.
گروه «انصارالله» در قلمرو تاجیکستان به عنوان یک گروه تروریستی شناخته می‌شود. این گروه در افغانستان فعالیت می‌کند و به صورت عمده از اتباع تاجیکستان تشکیل شده است.
بنابر گزارش رسانه‌های افغانستان، این گروه بخش‌های از مرز این کشور با تاجیکستان را کنترل می‌کند. با این حال، طالبان در مورد این گزارشات هیچ اظهار نظری نکرده است.
به نوشته روزنامه 8 صبح افغانستان، شمار زیادی از جهادگرایان منطقه با خانواده‌های‌شان در افغانستان حضور فعال دارند و حدود 300 خانواده اعضای حرکت اسلامی ازبکستان و انصارالله تاجیکستان در شمال‌شرق، به‌ویژه در بدخشان، زندگی می‌کنند.
پایان پیام/
منبع: فارس